Sunday, 21 August 2011

" ಎಲೆ ಬಾಲೆ ನೀನು......."


ಎಲೆ ಬಾಲೆ ನೀನು
ಯವೌನದ ಹೊಳೆಯಲಿ
ಆಡದಿರು ಈಜಾಟ!
                        ಎಲೆ ಬಾಲೆ,ನೀ ಆಡದಿರು ಈಜಾಟ.


ಜೇನುಮಳೆ ಬೀಳುವುದು
ಸುಖದ ಹೊಳೆ ಹರಿಯುವುದು
ಬಾಡದಿರು ಬಳ್ಳಿಯಾಗಿ!
                             ಎಲೆ ಬಾಲೆ,ಬಾಡದಿರು ನೀ ಬಳ್ಳಿಯಾಗಿ.


ಅರಳು ಮಲ್ಲಿಗೆಯಾಗು
ಕೆಂಡ ಸಂಪಿಗೆಯಾಗು
ಬೀರು ನಿನ್ನ ಪರಿಮಳವ!
                                ಎಲೆ ಬಾಲೆ,ಬೀರು ನೀ ಪರಿಮಳವ.

ಕೆಂದುಟಿಯ ಚಲುವೆ ನೀನು
ಮುದ್ದು ಮೊಗದ ರಾಣಿ ನೀನು
ನಿನಗಾಗಿ ಕಾದಿಹುದು ಹಾಲುಜೇನು!
                                 ಎಲೆ ಬಾಲೆ,ನಿನಗಾಗಿ ಕಾದಿಹುದು ಹಾಲುಜೇನು.


ಅಂಜಬೇಡ ಅಳುಕ ಬೇಡ
ಮುಂದೆ ಬರಲು ಹೆದರಬೇಡ
ಜೀವನವೇ ಹೋರಾಟ!
                              ಎಲೆ ಬಾಲೆ,ಜೀವನವೇ ಹೋರಾಟ.

 
  -ಬನವಾಸಿ ಸೋಮಶೇಖರ್.

No comments:

Post a comment